ՄԱԿ-ի Ընդհանուր ժողովի 81-րդ նստաշրջանի ընդհանուր քննարկումին ընթացքին, ՄԱԿ-ի մէջ Հայաստանի մնայուն ներկայացուցիչ Պարոյր Յովհաննիսեան վերահաստատեց Հայաստանի աջակցութիւնը ՄԱԿ-ի մարդու իրաւունքներու համակարգի ամրապնդման` մարդու իրաւունքներու խախտումները կանխարգիլելու եւ հաշուետուողականութիւն ապահովելու նպատակով:
Դեսպան Յովհաննիսեան ներկայացուց Հայաստանի ի գործ դրած ջանքերը, մասնաւորապէս` մարդու իրաւունքներու պաշտպանութեան գործիքակազմերու ամրապնդման, սեռերու միջեւ հաւասարութեան խթանման եւ երեխաներու իրաւունքներու պաշտպանութեան օրակարգի յառաջ մղման ուղղութեամբ:
Անդրադառնալով շրջանային զարգացումներուն` Յովհաննիսեան նշեց, որ, թէեւ խաղաղութեան ամրապնդման ջանքերը կը շարունակուին, բայց շարք մը հրատապ մարդասիրական խնդիրներ տակաւին լուծման կարիք ունին: Անոնց կարգին են 19 հայերու շարունակուող կալանքը, անյայտ կորսուած անձերու ճակատագիրին եւ գտնուելու վայրին պարզաբանումը, ինչպէս նաեւ բռնի անհետացումներու դէպքերուն վերաբերող հարցերը:
Ան շեշտեց, որ այս խնդիրներու լուծումը պիտի նպաստէ շրջանին մէջ խաղաղութեան ամրապնդման, վստահութեան ձեւաւորման ու հաշտեցման:
