Ատրպէյճանի եւ Հայաստանի քաղաքացիական հասարակութեան ներկայացուցիչներու յաջորդ հանդիպումը «Խաղաղութեան կամուրջ» նախաձեռնութեան ծիրէն ներս տեղի պիտի ունենայ մինչեւ ընթացիկ տարուան աւարտը։
Այս մասին ատրպէյճանական լրատուամիջոցներուն յայտնած է «Խաղաղութեան կամուրջ» նախաձեռնութեան ատրպէյճանական կողմի համակարգող, Միջազգային յարաբերութիւններու եւ բազմամշակութայնութեան վերլուծական կեդրոնի վարչութեան նախագահի տեղակալ Ֆարհատ Մամետով։
Անոր խօսքով՝ հանդիպումը պիտի կայանայ Հայաստանի մէջ։